Aholkularitza, prentsa bulego eta kazetaritza lanak egiten ditugu, eta Komunikazioa eta marka aholkularitza dira gure zerbitzuen oinarria.
Enpresa eta erakundeen helburuen zerbitzurako tresna global bezala ulertzen dugu komunikazioa. Gaur egun komunikazioak berebiziko garrantzia du erakunde edo enpresa baten helburuak lortzeko garaian, eta markak gero eta pisu handiagoa du bere aktiboen artean. Horregatik, komunikazioak isolamendua eta inprobisazioa alde batera utzi eta erakundearen estrategia orokorraren zerbitzura egon behar duela sinesten dugu. Zer itxura du zure enpresa edo erakundeak? Nola hitz egiten du? Zer ezaugarrirekin lotzen dugu? Zein da publiko desberdinen iritzia bere inguruan? Zer diote komunikabideek? Sareek? Komunikazioaren ikuspegi globala lantzen dugu: marka, inpaktua eta izen ona, interneteko presentzia, identitate bisuala, barne komunikazioa, komunikabideetan presentzia… Bezeroarekin eseri, egoeraren diagnostikoa egin eta estrategia orokorraren zerbitzura egongo den komunikazio estrategia diseinatzen eta ahalbidetzen laguntzen diogu. Neurrira egindakoa, proiektu eta bezero bakoitzaren ezaugarri propioak eta baliabideak kontuan hartzen dituena, errealista eta eraginkorra.
- Web komunikazioa – Diseinua – Multimedia ekoizpena
- Prentsa kabinetea – Ekitaldiak – Komunikazio zerbitzuak
